店內提供三款階級主義套餐，三種都有得燒亦有個鍋比你淥；有$148一位冇海鮮食既宮女式、$188一位有一round海鮮食既貴妃式同$248一位任食海鮮既皇后式，終於捱到月頭出左糧就梗係做皇后啦，蟶子、鮑魚、鮮蝦、帶子同蠔都任叫，而肉類就有牛舌、黑豚肉同霜降牛等，當然亦有d基本野比你燒比你打邊爐啦；雞軟骨呀，芝士腸呀，廚師腸呀，墨魚丸呀麵根嗰d都有，豐儉由人。而飲品都有好多選擇，highlight既話就青島啤酒同盒裝竹庶茅根。但好遺憾佢係我最唔識處理既紙上燒烤，墊左張紙係易清潔好多，但一燒d海鮮同肉出油出水就會停留係張燒烤紙度，導致d海鮮同肉類燒完個質地似淥熟，冇左焦脆既口感，所以最後我冇乜點燒，全部野都攞晒去打邊爐，咁就開心番晒，另外加分位係叫幾多上幾多，職員亦親切有禮，最後一句，去前記得book位，完。
后宮 后宮燒烤火鍋 ﹣澳門長壽大馬路515號
#后宮 #macaufood #macau #澳門 #instafood #seafood #shrimp #oyster #abalone #hotpot #barbecue #clams #nikuyaki #澳門美食 #放題 #macaufoodie #macao #allyoucaneat #マカオ #澳門obxxob #obxxob澳門 #澳門宵夜
Search